SINAMAHAN ni Manila Mayor Honey Lacuna-Pangan si Pangulong Ferdinand Marcos Jr. sa pamamahagi ng rice subsidy sa Pantawid Pamilya Households sa Lungsod ng Maynila noong Martes, Setyembre 26.
May kabuuang 1,000 benepisyaryo mula sa iba’t ibang bahagi ng lungsod ang nakatanggap ng 25 kilo ng bigas bilang ayuda sa mga pamilya sa ilalim ng nasabing programa.
Ang kaganapan ay dinaluhan ni Fifth District Representative Irwin Tieng, mga miyembro ng Department of Social Welfare and Development’s Central at NCR Offices gayundin ang Manila Department of Social Welfare sa San Andres Sports Complex.
