UNANG araw ng pagbibigay saya sa mga lolo’t lola sa District 1, 2, at 3 kahapon, ika-13 ng Disyembre 2023.
Bumaba sina Mayor Honey Lacuna-Pangan, Vice Mayor Yul Servo Nieto, at mga congressman at konsehal ng ika-1, 2, at 3 na distrito sa Beltran Street, Brgy. 155 Covered Court, at Severino Reyes cor. Tayuman Street at personal na inihatid sa mga senior citizens ang gift box na naglalaman ng thermo insulated flask at low sugar wafer.
Bukod pa sa mga nasabing lugar ay ibinaba na rin ang mga senior gift boxes sa 100 barangay sa District 1 at 2, kung saan nasa 42,356 na senior ang nabiyayaan na ng nasabing pamaskong handog ng pamahalaang lungsod.
