HATID ng Lokal na Pamahalaan ng San Jose del Monte sa pangunguna ni Mayor Arthur Robes at Congresswoman Florida Robes ang maagang Pamasko para sa mga guro sa Lungsod ng San Jose del Monte.
Kahapon, December 13, 2023, nakatanggap ng mga regalo ang mga guro mula sa Benito Nieto Elementary School, Partida Elementary School, Pabahay Elementary School, at Harmony Hills High School bilang pasasalamat sa kanilang hindi matatawarang dedikasyon sa paglilingkod at pagmamahal sa mga estudyanteng San Joseño.
