QCitizens, bukas na ulit ang Kilo/s Kyusi: Kilo Store ng Bayan, Para sa Kinabukasan Charity Bazaar upang patuloy na suportahan ang learning recovery programs sa lungsod.
Ang malilikom mula sa Kilo/s Kyusi ay ilalaan sa QC Learning Recovery Fund na pantustos sa mga proyekto gaya ng tutoring program sa mga pampublikong paaralan bilang tugon sa learning loss.
Para sa mga nais mamili o mag-donate ng mga lumang damit, sapatos, bag, at iba pang kagamitan, maaaring bisitahin ang Kilo/s Kyusi Booth sa POP QC Mercadillo, Elevated Garden, Quezon Memorial Circle. Bukas ito hanggang Enero 1, 2024 mula 6:00 pm – 10:00 pm.
