IPINAG-UTOS ni Pangulong Ferdinand R. Marcos Jr. ang pagpapalakas ng cybersecurity systems ng Philippine National Police (PNP) sa pamamagitan ng pagsasanay ng kapulisan at pagkuha ng teknolohiya para sa pagtugon sa cybercrime at cybersecurity sa bansa.
Sa sectoral meeting kahapon, Pebrero 6, iniulat ng PNP ang 10.66 porsiyento na pagbaba ng crime rate sa bansa mula Hulyo 2022 hanggang Enero 2024. Patuloy naman ang operasyon laban sa ilegal na droga at armas, mga terrorist group, at paglaganap ng illegal gambling websites. Mula sa Facebook page ng Presidential Communications Office
