AYON sa pinakahuling ulat, under control na ang sunog sa Philippine General Hospital, na naganap nitong Miyerkules, Marso 13, 2024. Maraming mga bumbero mula sa iba’t ibang organisasyon ang mabilis na rumesponde sa sunog.
Ayon kay Administrative Officer Ferdinand Lales, nagwe-welding sila sa kinukumpuning gusali nang biglang sumabog at kumalat ang sunog sa gusali.
Sa ulat ng Bureau of Fire Protection (BFP), umabot ang sunog sa ikalawang alarma at hindi bababa sa 13 trak ng bumbero ang tumulong para maapula ang apoy.
Kasalukuyang iniimbestigahan ang sanhi ng sunog.
