MASAYANG ibinalita ni Senate President Miguel Juan Zubiri na may bagong dormitory na sa Carlos Hilado State Memorial University (CHSMU) – Binalbagan.
Sa kanyang post sa kanyang Facebook page, sabi niya, “Good news po sa Binalbagan, Negros Occidental!
“Nagkaroon na po tayo ng blessing sa ating bagong dormitory sa Carlos Hilado State Memorial University (CHSMU) – Binalbagan!
”Mabibigyan nito ng matutuluyan ang halos 3000 na estudyante. Siniguro nating maganda ang pasilidad na ito, para makapag-focus ng mabuti ang ating mga estudyante sa kanilang pag-aaral.
“Maraming salamat kina Cong. Dino Yulo, Vice Mayor Justin Gatuslao, Dr. Norberto Mangulabnan, VP Rosalinda Tuvilla, Exec. Dir. Joevelle Vergara ng CHSMU Binalbagan, at sa lahat ng ating nakasama sa ating blessing kahapon.
”Mabuhay ang Negros Occidental!”
