IBINALITA ni Senator Joel Villanueva sa kanyang Facebook page ang groundbreaking at capsule laying ceremony ng College of Architecture and Fine Arts Building ng Bulacan State Univeristy (BulSU).
“Malaki po ang ambag ng mga bago at angkop na pasilidad sa ating mga pamantasan para mapataas ang kalidad ng ating mga graduates at maitaas ang kanilang employability. Kaya naman po isang karangalan na mapangunahan ang groundbreaking at capsule laying ceremony ng College of Architecture and Fine Arts Building ng Bulacan State University at mapasinayaan din ang bagong gawang Student Lounge sa loob ng campus.
“Patuloy po nating susuportahan at isusulong ang mga programang magbibigay ng kaalaman at kasanayan ng bawat kabataang Pilipino. Mabuhay
“Lubos po tayong nagpapasalamat kay BulSU President Dr. Teody San Andres, Plaridel Mayor Jocell Vistan, at sa lahat ng faculty, staff at estudyante na nakasama po natin sa makasaysayang araw na ito para sa BulSU.”
