PINANGUNAHAN ni DILG Sec. Benjamin Abalos, Jr. ang pagsasagawa ng “Bida ka sa Fire Square Roadshow 2024” na ginanap sa Megatrade Hall, SM Megamall, Lungsod ng Mandaluyong nitong ika-10 ng Agosto 2024.
Ang “Bida ka sa Fire Square Roadshow 2024” ay ang pinagsamang programa ng DILG na “Buhay Ingatan, Droga’y Ayawan” at ang programa ng Bureau of Fire Protection na “Fire Square Roadshow” na may layuning bigyan ng kaalaman at kasanayan ang bawat isa sa panahon ng sunog, paghahanda sa mga sakuna, at pagbuo ng matatag na pamayanan. Itinampok din sa programa ang matagumpay na kampanya ng gobyerno laban sa ilegal na droga.
Dumalo rin sa aktibidad sina PNP Chief PGen. Rommel Francisco Marbil, at BFP Dir. Louie Puracan at BJMP-NCR JCSupt. Clint Russel Tangeres. Kasama rin sa aktibidad ang iba pang ahensya ng gobyerno tulad ng Philippine Coast Guard, DoST-Pagasa, at Phivolcs na nagbigay serbisyo sa mga dumalo.
