NAGING panauhing pandangal si Senate President Juan Miguel Zubiri sa naganap na Philippine Military Academy Alumni Homecoming nitong Pebrero 18, 2024.
Aniya, “Malaking karangalan po na maimbitahan na magsalita sa Philippine Military Academy Alumni Homecoming kahapon, para saluduhan ang ating magigiting na mga PMA alumni.
Buong-buo po ang suporta ng Senado sa mga programang pang-depensa at seguridad ng bansa, at kasama tayo ng lahat ng ating PMA alumni sa pagprotekta sa buong bayan, at sa bawat Pilipino.
“Kasama rin diyan ang panawagan natin na samahan tayo ng PMA alumni na protektahan ang ating demokrasya at ang ating Konstitusyon,” dagdag pa niya.
