MASAYANG ibinalita ni Senate President Juan Miguel Zubiri sa kanyang Facebook page ang pagbisita sa Senado ni Singaporean Ambassador Constance See Sin Yuan noong Pebrero 19, 2024.
Aniya, “Salamat kay Singaporean Ambassador Constance See Sin Yuan sa pagbisita sa atin sa Senado.
“Napakaganda ng aming meeting, kung saan napag-usapan ang turismo, ang higit 200,000 OFWs sa Singapore, ang pasahod sa mga manggagawa, ang sovereign wealth fund, ang seguridad at depensa, at pati ang Constitutional amendments ng Singapore at ng Pilipinas.
“Umaasa tayo na patuloy nating mapapalakas ang SG-PH relations sa tulong ni Ambassador Constance, lalo na sa larangan ng foreign investments mula Singapore.”
